عندما ادمنت من احبت ..

مع أول سقوط دمعةّ سقطت من عينيها

كان سقوط اول قطرة من امطار السماء 

كانت كعادتها المقيته عندما تكون مرهقة

جالسة تبكي كطفل اخذت منه لعبته المفضله..

تعالي صوت قطرات المطر الذي كاد يبدو كأحجار تسقط من السماء

و لمع البرق في السماء

و علا معه هزيم الرعد الذي يكاد يصرخ استيقظوا يا بشر ..

فما عاد هناك مكان للنوم ..

نظرت في ساعتها و لاحظت العقرب الصغير المتوقف امام الساعة الثانية صباحا 

لم تعر له انتباها فقط تنفست في بطء و قامت من سريرها الكئيب ..

جرت الي دولاب ملابسها و ارتدت السترة التي اعطاها اياها في عيد مولدها منذ عامين

تركت هاتفها فوق السرير و هرعت خارج الغرفه ..

و بعد دقائق اصبحت واقفة علي الصخور امام شاطئ البحر

نظرت للبحر في غضب و صرخت بأعلي صوتها "لماذا؟!"

و مع صرختها علا الهزيم مرة اخري و لمع البرق فرأت صفة البحر مضائه كما لم ترها من قبل..

سقطت من عينيها دمعة اخري فعادت لصراخ مرة اخري 

تصرخ في البحر منتظرة منه الاجابه التي لم تسمعها 

ظلت تصرخ فيه

"لماذا, لماذا تفعل هذا بي ؟ وثقت بك و خذلتني؟ لماذا اخذته مني ؟ لماذا؟!! "

حتي بح صوتها و تدفقت دموعا كسيل النهر و سقطت واهنة علي الأرض ..

لم تهتم وقفت مرة اخري ترتعش يديها و قدميها ..

مبتلة من رأسها حتي اخمص قدميها بسبب الامطار التي تكاد تصنع عاصفة ..

خلعت السترة و رمتها بغلّ في البحر ثم نظرت له شزرا و قالت له هنيئا لك 

ثم استدارت و مشت واثقة من خطواتها في ضعف لقواها التي خارت 

.. عادت لغرفتها المشؤمه .. مبتلة, ضعيفه .. نظرت الي نفسها في المراّة و اغمضت عينيها ..

لكن عينيها لم تفتح مرة اخري .. و سقطت ..

كانت تلك نهايتها .. فقد تخلصت من كل شئ ..
حتي انفاسها .. و روحها ..

ضايع.

وحش انك تقف تتفرج علي حد انت بتحبه و بتخاف عليه 

بيضيع منك و الأسوأ انه بيضيع نفسه.

حط في دماغه ان خلاص مبقتش فارقه عشان ضاع منه حد او خسر حاجه ..

رخص نفسه و باعها لحد في أول فرصه جاتله مشي.

واقف تتفرج و كلامك مبيجيبش بفايده ..

عشان هو وصل لمرحلة ولا انت فارق معاه. ولا هو فارق مع نفسه..

كل حاجه بتضيع

عشره راحت

كرامه اتداس عليها 

وجع قلب من غير فايده 

هو مكمل و انت تعبت

مش بايدك حاجه تعملها

عشان مش هتقدر تغير حد هو اصلا مش عاوز يتغير 

زهقت من المحاوله و مفيش نتيجه

تقول ياما تقول و كأنك بتحرت في مياه

.. و اخرتها ؟ هتفضل واقف تتفرج ولا هتكمل كلام. 

ولا هتسكت و تتفرج من بعيد لحد ما اخينا يلبس و يرجع بعد كده ندمان..  

ادمانه.

البني آدم بيبقي رخيص أوي قدام إدمانه.

ايا كان بقي نوع الادمان ده 

سواء كان مخدرات او خمره.

 ولا حب او ماديات..

 او حتي شخص تاني.

ساعة ما الحاجه اللي ادمنها بتتاخد منه او تضيع ..

تلاقيه تايه و عيان ..

مضايق كده.

مش عارف يروح فين و ييجي منين ..

بتظهر عليه اعراض خروج السم منه.. 

برد و اعياء و رعشه و دموع.

بس مصيره هيشفي.

اللي بيبقي فاضل بس قوته هو ..

قوة مقاومته لحاجه دي في حالة رجوعها..

يا اما .. العوض علي ربنا .. 

و العوده الي الادمان.

اصله لازم يفتكر .. اللي راح مره ..

ممكن يروح مرتين و تلاته و اربعه غيرها ..

اللي باعك.

عارفين ايه بقت من اهم مشاكلنا دلوقتي؟

ان احنا بنفضل متعلقين بحد قرر انه يطلعنا بره حياته.

طب ليه؟ ..

هتقوللي العشره و المعرفه و بنحبهم و بتاع ؟ ... 

ماهو كل الحاجات دي مفرقتش معاه.

مخلينها تفرق معانا ليه؟

ليه نتعلق بحد اوي لدرجه تخلينا نتهان و يتداس علي كرامتنا عشانه و هو مش مقدر؟

ليه نعيط علي حد احنا مش فارقين معاه؟

و ليه اصلا نتضايق ولا نحرق دمنا؟

ما اللي يمشي يمشي .. طز

مسيره هيعرف قيمتك. بس لو هو عايز يمشي .. سيبه يمشي.

ليه تحط نفسك في موقف انك لو شفت حد سابك و بعدك عنه
تضايق و تعيط او تفصل و تبقي مش عايز تتكلم و تروح ؟

اديني سبب واحد مقنع يخليك تعمل في نفسك كل ده
عشان شخص مقدرش قيمتك و مشي؟

بتحبه؟ .. معلش ما هو مفرقش معاه و مشي.

عشره؟ .. نسي العشره و باعك.

يبقي خلاص طز
مش هنفضل عايشين متضايقين و محروق دمنا و بنأذي نفسنا و اللي بيحبونا
عشان حد مفرقناش معاه و سابنا.

لو مش حرام عليك الناس اللي بتحبك.. يبقي حرام عليك نفسك ..

عشان هي متستاهلش منك انك تعمل فيها كده.

الغلط مش منك الغلط من اللي باعك.

يبقي متقعدش تهري و تنكت افي نفسك و تحاسبها.

لأنك ملاكش ذنب انك اتعلقت بحد ميسواش باعك.. 

خليك فاكر انك احسن من كده بكتير ..

انت بشر ..

ليك الحق انك تعيش زي الناس مستريح و مبسوط .. 

متجيبش الهم لنفسك .. مفيش حد ولا حاجه تسوي.

واللي راح .. مصيرك يجيلك الاحسن منه يعوضك ..

متضايقش .. 

رساله من و الي..

عزيزتي انا, 

سامحيني .. فقد المتك كثيرا ..

سامحيني فقد ضيعت كرمتك .. 

اهنتك ..

اسفه, فقد علقتك بمن لا يقدر قيمتك حتي ضاعت.

ضيعت منك الكثير .. و قتلت فيكي ما هو جميل ..

اخذت منك سعادتك و كبريائك؟؟

ولم اترك بي سوي الحزن و الالم و الذل .. و الضعف.

اضعفتك فسامحيني ..

سامحيني لأني أسأت اليك و لم اعرف قيمتك سوي بعد فوات الأوان ..

سامحيني فأنت نفسي التي سأبقي لها و تبقي لي في نهاية المطاف..

سامحيني فأنا أخطأت بحقك .. و اتوسل اليك لتسامحيني ..

سامحيني فأنت انا ..

سامحيني .. فأنا لا احب و لن احب غيرك ..

انت روحي .. فلا تتركيني.

                                                                           امضاء/ انسان لم يعرف قيمة نفسه الا عندما فقدها ..

شكر .. (:

ساعات بتبتدي تقع و تحس انك بتفقد التحكم في كل حاجه ان دماغك بتسقط. 

و تتحط في موقف تتصرف فيه لا اراديا بدون وعيك. 

في الوقت ده .. بيطلع منك حاجه انت مكنتش عارف انها جواك .. 

لحد ما حد هييجي يقولك " انت ده. انت كل اللي انت طلعته. انت احسن من ما انت فاكر. كمل!"

في اللحظه دي ... هتبتدي تفوق ..

اصرخ.

اكسر حاجز الصمت و اصرخ. اصرخ وقول كفايه.

اصرخ و قول كفايه يأس.

كفايه تحطيم امال و احلام

كفايه كلام يحرق الدم. 

و كفايه نفاق و كذب و تمثيل.

كفايه نهب و سرقه و ظلم.

وكفايه وشوش و اقنعه و كلام ملوش لزمه.

كفايه تحوير و اشاعات وفتي.

كفايه خناق و ضرب وسب.

كفايه زعيق و كفايه فوضي.

كفايه نظريات و كلام من غير تنفيذ.

كفايه انك تحوال تقنع نفسك بحاجه انت عارف انها غلط و مينفعش تحصل.

كفايه ثقه زايده و كفايه تخوين.

كفايه نسخ من الناس التانيه و كفياه تقليد.

كفايه قتل و ذبح و شنق.

كفايه فساد وكفايه اهمال.

كفايه كفايه كفااااايه.

اصرخ بأعلي صوت و قول كفايه .. مش للريس ولا للحكومه لا.

قول لنفسك و قول لصحابك و اهلك و مجتمعك. مش هما دول اللي مضايقينك وللا؟ 

حتي لو خايف يضايقوا .. متضايقش انت نقفسك عشانهم عشان هما في لحظة حزنهم و غضبهم بيطلعوه عليك. 

مينفعش تضايق منهم و انت من حقك تقولهم.  وقفهم بصراخك "كفاااايه"

افتقاد..

افتقد ضحكات بريئه و دغدغات خالتي

افتقد النوم بين ذراعي ابي

و البكاء ف حضن امي

افتقد ذهابي للحديقه مع جدتي و جدي و نزهاتنا ...

افتقد اياما كان اسوأ ما ابكي عليه .. ضياع لعبتي.

                              ..  افتقد سعادتي