مش عايز اسمع دوشه ولا كلام.
مش قادر اصحي و م النوم بقيت أخاف.
في صحياني مشاكلي وفي نومي كوابيسي.
مبقتش لاقي المهرب من نفسي
افكاري السوده
و يأسي الحقير
وطالي راسي ما عادت تترفع
حنالي ضهري و منعه من الاستقامه ..
حاولت الهروب
لكنه منعني..
"مكانك معايا و ملكش مني هرب "
"يأسك حاكمك و هروبك منه خيال"
تذكر القواله : (ولنا في الخيال حياة!!)
اصرخ و قول له :
"معادش لك في حياتي مكان"
اهزم يأسك و اخضعه و لو فشلت في اخضاعه
اصبر عليه و في عز نومه اطعنة!!
و قبل ما تحين نهايته اجلده ..
اقطمله وسطه و رقبته اقطعها ..
اقضي عليه من جذوره و انهيه
معادش له مكان في حياتك
ارفع راسك ولو كان المها بميت الم
اكسر قيودك و ضهرك افرده
بص للسما و انظر للشمس
خد اعمق نفس ممكن تتنفسه
بهوا نقي و السما فوق راسك
ابتسم ولو عينيك فيها الف مليون دمعه
افتكر قوتك و اتحدي خوفك
و استني القمر و هتلاقي حبك
كلام شعارات؟
ماهو الشعارات هي الحل ..
ابتسم انت في بلد الشعارات
كبر دماغك
انت سبت المضمون و مسكت في الشكل العم؟
يا عم غير حياتك
اصل قلة التغيير تجيب تسلخات
عيشها بطولها و عرضها
اصنع هدفك ولو كان تافه
خليك وراه لحد ما تحققه
و من هدف لهدف
فشل و نجاح
ملكش تيأس
خلاص يأسك مات
مات يوم ما عذبته و قتلته
مات و خد معاه حزنك
اضحك خليها حلوه
اصل لو انت استسلمت ..
هتكون عايش ليه؟ ....
