التوهان..

عارف التوهان؟
جربت تتوه ف شارع متعرفوش؟ بقصد.
بعد المغرب.. و الدنيا ابتدت تضلم..
و انت متعرفش انت فين ..
بتلف و ترجع مكان ما كنت عشان مش عارف السكه..
تضييع وقت .. و جهد.
تمشي لحد ما رجليك توجعك و نفسك يتقطع.

الطريق طويل و فاضي مفهوش حد، عمارات كتير و عربيات و شجر.. بس مفيش بشر ولا محلات.
بس كشك صغير ف وسط الطريق و صاحبه قاعد جنبه بيشرب سيجاره و مبحلق ف الفراغ و يضحك ف وشك لما تعدي..

زحمة افكار ف دماغك مش عارف تفكر.
كل حاجه مبقتش زي الاول بس انت حاسس انه عادي.
اصل اصلا كل حاجه بقت عادي.

وانت ناسي كل ده و داير من شارع ل شارع.
الدنيا ضلمت و نور الشارع اتفتح.
شايف ظلال الناس بس مفيش حد.
سامع صوت كلب من بعيد .. مش عارف جاي منين.

انت اتأخرت
لازم تروح.

بس حلو التوهان ..
ابقى جربه ف حته تانيه المره الجايه. :)

بقايا انسان.

أنت رصاصة اطلقت في حرب بين قلبين و عقلين ..
انت فوارغ الرصاصات ..
الشظية التي علقت بقلبي اثر تورطي في تلك المعركة الداميه..

آثارك الجانبيه مؤلمة .. الم الانهزام و الكسره..
الم الحسرة و الفراغ ..

فما انا بدونك سوي جسد بلا روح ..
انا فارغة الا من شظاياك العالقة بداخلي ..

تلك البواقي التي يصعب علي امهر جراحي العالم استئصالها..
ف إن استأصلت، أنزف حتى الموت.

و ان كان وجودك الم ..
فرحيلك موت.

فكيف لي ان ستأنف الحياة بطبيعيه و انا جريحة الحرب.
اسيرة العدو ..

و كيف لي ان اسميك عدوا يا من انت الحبيب.

أتوه..

أصبحت اكلم نفسي اكثر مما ينبغي.
اتفادي اصدقائي اكثر مما يجب..
اكلم الغرباء اكثر من الاصدقاء.
انام قليلا.. مبكرا .. و اضيع وقتا كثيرا..
لا اتصنع ابتسامات كاذبه، فقط ادعي الارهاق و اتحجج بمرضي.. ذاك البرد اللعين اللذي صار يلازمني منذ عدة اسابيع.
صداع كثير بلا سبب
عزلة لساعات بمررات كاذبه ..
ساعات طويله اقضيها حاملة قلمي و اوراق لعلي اجد شيئا اكتبه او قصة اسردها للسطور..
رحلات طويله على الاقدام مارة بشوارع قد يكاد وجودي فيها من ملامحها لكني مشتتة لا اعلم اين انا.
امشي في الطرقات، تلك التي لا اعرفها.. اتوه.

اسماء الناس انساها و اسماء كان سماعها يسعدني صار سماعها يقتلني او يفقدني اعصابي..
اقرب الاصدقاء لا اطيقهم فهم لا يفهمون.
و غرباء يجعلونني ابتسم يوميا ولو للحظات.

لم اعد اعلم كيف اجاوب سؤال "انت بخير؟"

لست متأكدة من الإجابه، لا اشعر انني بخير.. لا اشعر بالسوء ايضا .. لكن فقط ..
لم اعد اعلم بم اشعر .. او كيف اشعر.

كان فيه و خلص.

كان نفسي ابقى الشخصيه السعيده اللي مبتسببش الالم لغيرها ..

كان نفسي ابقى ناجحه ف علاقاتي مع البشر ..
كان نفسي ابقى متفوقه ف المدرسه ..
و كان نفسي ابقى صاحبه كويسه بتهون علي صحابها وجعهم متكونش هي السبب فيه ..
و كان نفسي ف حضن احس فيه ان انا محميه..

و كان نفسي احب حد و كده و يطلع كويس و ميخذلنيش ..
و كان نفسي افهم ديني اكتر من كده يمكن كنت قربت ل ربنا ..
و كان نفسي اتعلم كويس ف المدرسه و ابقى شاطره و متذللش لمدرسين عشان دروس ولا درجات ..
وكان نفسي و انا صغيره ابقى قدوه للأصغر مني لما اكبر ..
كان نفسي اكبر و اتجوز و يبقى عندي بيت ..
كان نفسي اسافر بلاد كتير و اشوف الناس عايشه ازاي ..
كان نفسي آخد قراراتي لوحدي و تبقى صح و متلبسنيش في حيط..
و كان نفسي في حاجات كتير حتي مبقيتش فكراها..

دلوقتي حاسه اني وقفت محلك سر ..
معادش نفسي ف اي حاجه من دول ..
حاسه اني عارفه اني مش هوصل ..
مصدر احباط و الم و خيبة امل .. انا.
قدوه مش قدوه و لا يحتذى بها.
شخص فاشل اجتماعيا و دراسيا.
شخص بلا مستقبل.
شخص كئيب و ممل و مقرف.

نفسي يبقي نفسي ف حاجه ..
نفسي ف هدف او حلم او حاجه تحسسني ان ليا قيمه ..
بس حاسه اني خلاص خلصت ..
من اول المشوار خلصت ..
و انا لسه ببتدي خلصت.
مش فاضل مني حاجه و مش فاضل فيا حاجه ..

معرفش حتى انا عايشه ليه ....

امشوا.

عارف لما يبقى نفسك تبعد كل الناس..

انت اصلاً حاسس انكلوحدك و همَّ حواليك..

و هم مستغربين عزلتك..

ما وجودكم زي عدمه, مش فارقين..

نفسي ابعد عنكم و ابقى لوحدي..

انا متضايق, تعبان, زهقان, قرفت !!

عايز اكون لوحدي.

ما انا مش مستريح معاكم..

عايز امشي.

انا مش فارق معاكم..

عايز اهرب.

انا متضايق بسببكم..

عايز صمت!!

عايز هدوء و صمت..

لوحدي من غير حد..

محدش بقى موجود .. 

وجودكم لحظي.. مالوش معنى..

مش فارق; بيوجع اكتر ما بيريح.

الوجود اللي زي عدمه, الم.

انا اضعف من انّي امشي..

امشوا..!!!

فراغ.

فراغ.
ايوه فراغ.
بقى عندي فراغ.
ورايا ستين حاجه.
واجبات و مذاكره و شغل
بس مش قادره اعمل ده ب فعل الفراغ..
وهم الفراغ مسيطر عليا.
عايزه انام او اخرج بس
مش عايزه اعمل حاجه
ومش عايزه اكلم حد
و مش عايزه اقعد مع اهلي
مليش نفس.
مش عايزه يبقى ورايا حاجه
واللي ورايا على ما يخلص هيكون جيه وقت غيره
طب ايه؟ و بعدين؟
الفراغ بيتحول لملل.
و الملل بيقلب ب قرف.
و القرف هيتحول لاكتئاب.
و انا مش عايزه اي حاجه من دول خالص.
انا عايزه بس اللي ورايا يخلص عشان اعمل اللي انا عايزاه.
مش كتير. و مش صعب.
بس فراغ.

كلنا باك.

لا. لن ابكي. سوف اتألم في صمت..
صار البكاء دواء عقيما ..بلا اي تأثير.
فقط يزيد الألم .. المين.

في طفولتي قيل لي الكبار لا يبكون.
ويالسخرية القدر ف لما كبرت ..
علمت .. إن الكبار يبكون أضعاف بكاء الأطفال.
فقط يخشون البكاء علنا ...
يبكون سرا..
يبكون وحدة و يبكون الما ..
يبكون حزنا و شجنا ..
يبكون حتي لا تموت احشائهم..
يبكون و يبكون ..
و في تصنع الابتسامات هم بارعون.
و في نفاق الأحبة يتفننون.
و في الكذب يالهم من بارعون.
اقنعتهم كثيرة .. منها الشرير و منها الطيب ..
لكنها مجرد اقنعه.
احاسيس و مشاعر يدعونها و بداخلهم قلوب ميتة..
لا تعلم ما الحب..
نحن الكبار الصغار.. مراهقي هذا الزمن..
سنعلمك الكثير..
نعلمك الكذب و الخيانه. نعلمك الضلال و الكفر و الالحاد.
نعلمك الألم و الخذلان.

نثبت لك سخرية الواقع..
الواقع يأتي باللون الرمادي.
في يوم من الأيام كان ابيض لكن سوادنا نضح عليه..
جعله رمادي..
واقع رمادي.
مجتمع قذر.
بشر ذوي سواد داخلي.

تبا لكم..

أعراض انسحاب المخدر.

اتدري تلك الايام؟..

 حين يكون تذكر وجه غريب لمحته لثوان منذ بضعة اشهر اسهل من تذكر ملامح اقرب من حولك؟

حين يكون تذكر كلمات اغنيه و موسيقاها و عزفها المنفرد سهل علماً بأنك لم تسمعها منذ اشهر او سنوات؟

تلك الايام حيث الشرود حتمي. النوم متقطع و الأرق رفيقك؟

دموعك حبيسة جفنيك لا تسقط حتى في اكثر اللحظات حزناً..

ترى حولك متاهات .. تعلم الطريق جيداً لكنك كالمصدوم..

مشلول القديمن , عقلك ساكن .. انت كالمثبت فالأرض في لحظة اقتراب سيارة مسرعةً صوبه.

و كأن قوي العالم اتحدت لتغيبك .. لتفصلك عن العالم.

تجد نفسك فجأة في قمة ثورتك و غضبك صارخاً في شخص ما..

او سارحاً في ملكوت عظيم تنظر لل لا شئ..

او تجد نفسك جالساً على رصيف احد الطرقات.. او تائها في احد الشوارع الجانبيه ..

او نائماً على الأرض في غرفتك غارقاً في دموعك ..

و انت.. 

لا تعلم متى و كيف تحركت؟ 

ما الذي نطقت به في ثورتك؟

 بم تفكر؟

 و لم تبكي؟...

تعلم فقط أنك متألم .. 

تشعر بفراغ قاتل داخل صدرك..

و كأنك صرت وحيداً.

كالمنشق عن العالم ..

لم تعد تعلم,

ماذا الآن؟

أين اذهب؟

اين انا؟

كيف وصلت هنا؟

متي ضللت الطريق؟

لمن اشكو و مع من اتكلم؟..

كل ما تعلم أنك الآن هنا .. في اللامكان.

تفاصيل الطريق الي نقطة وجودك مطموسة من عقلك..

لكل هذا تفسير ..

انها الأعراض..

أعراض انسحاب المخدر.

تجرد .

جردت نفسك حقوقك.
حق توبيخي .. حق الكلام معي و التفكير في .. حق حبي.
جردت نفسك حقك في.

انت اخترت التجرد .. انت.
كان باختيارك انت ففي طريقك للتخلص من حزن و مسئوليات تلك العلاقة التي تراها فاشلة .. خسرت حقوقك.

تلك الحقوق محفوظة لذاك الذي ينوي تحمل ما معها من مسئوليات.
لكن انت ماذا ارى منك؟ ععير اهمال و وجع؟ لا شئ.
ادعاء حب لم تعد تحاول اثباته..

كان حلم و راح لحاله..

كان حلم.
كنت بحبك من بعيد و بحلم انك بتقول لي "بحبك" 
و ف يوم اتحقق حلمي و سمعتها منك .. مرا ورا مره ورا مره .. و كنت طايره من السعاده. بس .. انت زهقت و قولتلي خلاص.
ساعتها عرفت انه كان بس حلم.
حلمت انك معايا ف كل خطوه و حلمت بيوم بعيد اوي. حلمت بولاد. و حلمت اننا سافرنا بعيد. طرنا ف السما بطياره و سيبنا كل حاجه هنا.
حلمت ان احنا بقينا مع بعض.. مشي كتير و كلام كتير و حضن..
حلمت ب اتنين حبوا بعض و كملوا مع بعض.
بس فجأه صحيت ف كابوس.. صحيت علي صوتك لقيتك بتقول "خلاص". معرفتش ارد.
كنت زمان بسمع الناس بتقول [اهو حلم و راح لحاله]  و مفهمتش. ازاي؟ ازاي حلم ممكن يروح لحاله؟ مش الناس بتحقق احلامها ؟ طب ازاي؟ ..
بس دلوقتي عرفت .. دلوقتي فهمت ..
اصل كل حاجه بيننا طلعت زي ما بيقولوا هما "كان حلم و راح لحاله".

                             نسيت بس اقوللك حاجه صغيره، انا في حلمي لما قولتلك بحبك.. كنت بحبك بجد. :)

مهمل.

-"سأرحل" ..  

-"لا ترحلي"

-"اتريد بقائي؟"

-"لا اعلم"

-"اذاً ارحل.."

-يصمت-..

-اصمت..

اصمت انا ايضاً .. لن اتكلم ..

ماذا اقول؟..

لن تؤثر كلماتي..

يوجعني صمتي..

و صمتك ايضاً.. مؤلم..

اتعلم؟ حاولت كثيراً..

قلت لك .. انت تهمني و رحيلك قاتل.

لم ترحل لكنك لم تبقي..

لا يسعني الكذب..

ما زال وجودك يهمني..

لكن كيف ابقى انا و انت لا يهمك رحيلي...

لم ادخلتك الى حياتي؟ .. لا اعلم.

عندما عدت قلت انك ستبقي

و عندما قلت لك انك قلت هذا من قبل 

قلب لي انك تغيرت.. تغيرت نيتك .. و تنوي البقاء..

لكنك لم تبقى..

تغيرت ثانية .. 

قل لي الحل ؟.. 

اهو الصمت؟

ام رحيلي عنك؟

ام انتهاء كل شيء..؟

لا تجاوب .. فأنت لم تجاوب من قبل

ما الجديد .. انت لا و لم و لن ترد..

اذاً فرحيلي عنك هو الحل ..

ف من يريد شيئا او احد ما في حياته لا يهمله.

و انت صرت تهملني.. 

أكثر من اللازم.

مغادره.

تباً لكم.. 

تباً لكم جميعاً... 

تباً لنفاقكم و تصنعكم المثاليه..

تباً لفقاعة الكذب التي تعيشون بها .. 

فلتكذبوا كما شئتم. لن اكذب

و لتنافقوا. لن انافق.

و تظاهروا بالسعاده و المثاليه و سأضحككم..

وداعاً.. سأترككم لكذباتكم و اعيش في جحيمي..

فقد تظاهرت و كذبت و تصنعت حتي مللت.

حان موعد قطاري.

صار رحيلي حتمياً..

علمتوني الكثير ..

و اهم ما تعلمت منكم ....

انه لا يمكنني تقبل من يختلف عني.. فهو "مخطئ".. "شاذ" عن قوانيني.

و لكن نحن في عصر العاهره, اشرف من السجان.

نقطة البدايه.

اللي بيجمعنا شكل هندسي في سلسله..

و كام كلمه حلوه علي كلمة بحبك.

بيجمعنا اغنيه حلوه.. اغنيتين.. تلاته.. 

يوم إجتمعنا.. التحمنا.. قربنا..

و صبحنا بعده ما عدنا لبعض.

بيننا احساس يمكن متبادل و يمكن لأ..

بيننا زعيق و خناق و تجريح ..

حرقة دم و دموع و ضحك.

بيننا حاجات لو اتقالت ميفهمهاش غيري و غيرك.

و بصات معناها كلام، تبصلي ادور وشي و ابصلك تضحك.

بيننا فيلم. تافه. بس بنحبه.

بيننا سهر و حكاوي و اسرار.

بتجمعنا حاجات كانت اول حاجه ..

بيننا كتير و معودناش زي الأول.

معادش بيجمعنا غير شوية حاجات و ذكريات.

واللي بيجمعنا .. كلام كتير بنقوله.

بيجمعنا مشاوير طويله من غير وجهه بنلف ف الشوارع بلا هدف غير ان احنا مع بعض..

بتجمعنا تواريخ و ذكريات انت مش حافظها و انا حافظاها زي اسمي..

بيجمعنا ...

بيجمعنا حاجه لا انت عارفها و لا انا فاهماها ..

حاجه مش عارفين هي حلوه ولا وحشه..

صح ولا غلط..

بس مجمعانا ..

و بقينا يمكن احسن م ابتدينا ..

و خلينا الواقع .. يتفوق علي نقطة البدايه.