مش شبه بعض..

عمرنا ما كنا شبه بعض...

ولا بنكمل بعض ولا بيننا حاجه مشتركه.

يمكن آه مجانين شبه بعض .. بس منشبهش بعض.

مزيكتنا مش واحده ..

انا بحب القهوه .. و انت بتحب العصير...

انت بتحب الوان غير الواني و افلام غير اللي بحبها..

عمري ما فهمتك ولا عرفت اقرا بين سطورك.

عمري ما عرفت انت بتحب ايه .. ولا عمرك قلتلي .. 

لو سألتك بتقوللي معرفش.

بتقول انك بتتكلم معايا اكتر من باقي البشر..

بس مبتقولش حاجه..

مش مووجود معظم الوقت ..

آه بحس بغيابك .. و بيوجعني ..

بس .. و بعدين؟ 

نفسي فيك ..

نفسي افهمك.. اعرفك..

مش عارفه..