تمرد.

ممكن اتحدي الواقع و اغيره .. 
يعني اغصب نفسي عالنوم 
و اجوع
و مروحش الامتحان
 و اروح البحر ف الشتا
و اشرب شوربه ف الصيف
 و قهوة بالليل
و اصلي وقت م احب بدون مبررات
 و اغني بعلو صوتي ولو هصحي الجيران
 و اصرخ ف الشارع من غير اي سبب
و اطلع اجري في الشارع بين العربيات و الكورنيش واقف .. 
و انزل بدون اذن م انا مش هعمل حاجه غلط.. 
و اتمرد علي كلمة عيب و اروح اقعد عالقهوة ..
و اكتب اللي انا عاوزاه بدون رقابه ..
و احكي اللي انا عايزاه بصوت عالي واللي عايز يسمع يسمع ..
مبقتش تفرق كتير .. هو هو الواقع ..
و لو تمردت عليه كبيرها هتشتم ..
هو الكلام بفلوس سيبهم يقولوا .. 
انا عايزه اتمرد.