جت لحظة مبقتش فارقه.
جت لحظة مش مهم.
جت لحظة انا خلاص مش هحاول ..
مش مستنيه حاجه من حد
و مش متوقعه حاجه من نفسي
مبتقدمش ولا واقفه محلك سرّ
ولا حتي برجع ل ورا .. لأ
انا رحُت اتجاه ما يعلم بيه الا ربنا
لا هو شمال ولا يمين
تقريبا كده اعتبر بلِّف حوالين نفسي
مينفعش اتسأل في ايه ولا مالك ولا اي حاجه
عشان مش هيكون عندي رد
و متقولليش انتي مكنتيش كده
م انا اكيد واخد بالي بس فكست.
وبعدين بقي معرفش
مش مقرره انا هعمل ايه
ولا فاهمه انا بعمل ايه
الحاله بتسوء انا عارفه
مش مستنياكو تقولوا لي
و مش عايزه مساعدة حد
عشان محدش يقرر لي اعمل ايه !
المهم دلوقتي
سيبوني ونبي لحد مالبس ف حيطه حلوه كده
و دماغي تتفتح و اتعلم
ان اخرة اللي انا فيه ده
قلم معتبر علي وشي و عاهه مستديمه في حياتي..
هو انا اصلا عارفه بس تقريبا مش هتظبط غير لما يحصللي مصيبه.
المهم بقي "قل لن يصيبنا الا ما كتب الله لنا".
No comments:
Post a Comment