ساعات بيوحشني شعري لما كان طويل .. بس بفتكر اني قصيته عشانك. و بضايق ساعات.. بضايق منك و من نفسي..
و ساعات بفتكر اد ايه بتبسط لما بنبقى مع بعض.. و ازاي لازم كل مره تعمل حاجه تبوظ كل اللي قبلها..
ساعات بفتكر أول مره قابلتك و بحاول بعد كده انساها الاقيني بفتكر تفاصيل أكتر..
و ساعات بقى .... بفتكر كل حاجه حلوه عملتهالي و اقعد اعيط .. يمكن عشان الكويس ساعات بيبقى ولاحاجه جمب حاجات تانيه كتير..
وساعات بنسى ان احنا سيبنا بعض و باجي أقول لك بحبك.. م انا بحبك و انت عارف و انا عارفه..
هو اينعم انت بتبقى فاهمها غير م انا قصدي ساعات...
و اينعم احنا واقفين ف الديسكمفرت زون و مش لاقيين مسمى واضح لطبيعة علاقتنا الحاليه ببعض..
بس انت عارفني و فاهمني أكتر من اي حد ف الدنيا دي و معرفش ازاي..
و دلوقتي.. مبقتش فاهماك ولا قادره أحدد موقفي منك.. أنا بحبك و بكرهك و مضايقه منك و بعيطلك و اشتمك ف نفس ذات اللحظه و انت بتضحك عليا بكلمتين.. و قضيت..
حاسه ان انا و انت ف متاهه .. انا ف اولها و انت ف آخرها و في نقطة مقابله ..
و انت مش عايز توصل و انا مش عارفه اوصل لوحدي..
عشان نقطة الوصول دي المفروض أوصلها بصوتك, بتوجيهاتك.. بس انت مبتوجهنيش..
سايبني أخبط ف الحيطان.
ساعات بتديني اتجاه امشي فيه و تنسى تديني بقيت الاتجاهات..
يمكن اه انا مزعجه و زنانه و عيله و عبيطه و هبله و كئيبه زي م انت بتقول..
بس انت بتعرف ازاي تغير كل ده ميه و تمانين درجه.. بس انت بتنسى..
و انا تعبت.
و ساعات بفتكر اد ايه بتبسط لما بنبقى مع بعض.. و ازاي لازم كل مره تعمل حاجه تبوظ كل اللي قبلها..
ساعات بفتكر أول مره قابلتك و بحاول بعد كده انساها الاقيني بفتكر تفاصيل أكتر..
و ساعات بقى .... بفتكر كل حاجه حلوه عملتهالي و اقعد اعيط .. يمكن عشان الكويس ساعات بيبقى ولاحاجه جمب حاجات تانيه كتير..
وساعات بنسى ان احنا سيبنا بعض و باجي أقول لك بحبك.. م انا بحبك و انت عارف و انا عارفه..
هو اينعم انت بتبقى فاهمها غير م انا قصدي ساعات...
و اينعم احنا واقفين ف الديسكمفرت زون و مش لاقيين مسمى واضح لطبيعة علاقتنا الحاليه ببعض..
بس انت عارفني و فاهمني أكتر من اي حد ف الدنيا دي و معرفش ازاي..
و دلوقتي.. مبقتش فاهماك ولا قادره أحدد موقفي منك.. أنا بحبك و بكرهك و مضايقه منك و بعيطلك و اشتمك ف نفس ذات اللحظه و انت بتضحك عليا بكلمتين.. و قضيت..
حاسه ان انا و انت ف متاهه .. انا ف اولها و انت ف آخرها و في نقطة مقابله ..
و انت مش عايز توصل و انا مش عارفه اوصل لوحدي..
عشان نقطة الوصول دي المفروض أوصلها بصوتك, بتوجيهاتك.. بس انت مبتوجهنيش..
سايبني أخبط ف الحيطان.
ساعات بتديني اتجاه امشي فيه و تنسى تديني بقيت الاتجاهات..
يمكن اه انا مزعجه و زنانه و عيله و عبيطه و هبله و كئيبه زي م انت بتقول..
بس انت بتعرف ازاي تغير كل ده ميه و تمانين درجه.. بس انت بتنسى..
و انا تعبت.
No comments:
Post a Comment