مفهوم الحب الحالي من وجهة نظري.

احنا مش بنحب بجد.
احنا بنحب عشان احنا محتاجين حب.
أو ماشوسيين كفايه ان احنا نتبهدل من حد مش بيبادلنا الحب عشان وهمنا نفسنا ان احنا بنحبه.
اداء الضحيه ده..

المهم الحب حالياً بقى ماشي بمبدأ "ضل راجل ولا ضل حيطه"
أي حد بيحب أي حد عشان محتاج يتحب هو كمان و محتاج يحس ان له حد و ضهر
و احنا انانيين في الحاجه للحب ف بالتالي بنوهم نفسنا ان احنا بنحب حد جدا و نعمل كل حاجه نفسنا حد يعملهالنا و بندي اللي بنزعم ان احنا بنحبه ده كل حاجه و نحطه ف مكانه عاليه جدا ف حياتنا
و بعد كل ده ممكن نقع على جدور رقبتنا عشان الحد ده قرر يمشي أو مبادلناش وهم الحب ده
أو ممكن اللي اتوهم ان هو كمان بيحبنا ده نبيعه ف لحظه عشان حد غيره اتوهم انه بيحبنا و ادانا كميه أكبر من الحب اللي احنا بنوهم نفسنا عشان محتاجينه ده..
و في اللي بيحب لأسبابه الخاصه أو عشان يملا فراغ ف حياته أو يمارس الساديه على الناس لأن غروره انعه انه يكون ماسوشي.
و في اللي بيشبع غرائزه بقى بوهم الحب و يوهم اللي قدامه جدا و اللي قدامه يتضرب بالجزمه و يدي التاني ده اللي هو محتاجه لحد ما يلاقي اللي احين منه ف يبيعه..

عامة يعني .. مفيش حد بيحب عشان بيحب.. احنا اصلا شوهنا مفهوم الحب و بهدلناه معانا.

بس يعني ده من وجهة نظري الشخصيه من اللي شوفته حواليا أو اضطريت اتعامل معاه.