الحاله

‏

عارف إحساس كل حاجه إتغيرت؟


كل الناس إتغيرت؟

زهقت من كل حاجة و كل الناس و بعدت ..


و رجعت لقيت كل حاجه متغيره و أنت لسه زهقان و تايه؟

طريقتك اتغيرت, صحابك اتغيروا..

ناس بعدت.. و اللي كنت فاكره بيقرب بصيت لقيت حتي ده بعد؟

ناقصك حاجه ..

منتاش مبسوط ولا متضايق , انت بس عايش ..

ساعات تحس يمكن الدنيا ضلمه شويه بس بتتلهي و بتعيش..

و ساعات تبقي مبسوط و خايف الانبساط يعدي بسرعه ..

بتصحي و بتاكل و بتشرب و بتروح و تيجي يمكن متتكلمش كتير لمجرد انك مش لاقي حاجه تقولها ..


محتاج ترتاح, بس دايما في حد وراك بيزن عشان تتكلم..


انت اصلا بتحبه بس من زنه بيبقي نفسك تقتله عشان هو مش قادر يفهم ولا يحترم اللي انت حاسس بيه ..

بتزقه بعيد و يتضايق و انت بتضايق بس هو شايف انك مش فارق معاك

بس عشان انت مش بتحاول تحسس باقي الناس باللي انت حاسس بيه

بتمثل عليهم و بتضحك و ترد عالكلام , بس عشان انت مضطر ..

و هو برضه فاكرك بتعمل كده عشان بتتجاهله .. و في الاخر الحمد لله خناقه فل تخسركو كتير اوي !!









غيره .. الحاله دي مش معناها اكتئاب , ما يمكن انت محتاج وقت تفكر و تقرر هتعمل ايه في حياتك.. ايه الخطوه الجايه ..

بدل ما انت واقف محلك سر .. عايز وقت, وقت ليك لوحدك .. محتاج راحه و عزله و هدوء ..

مش عايز حد يجبرك تتكلم او يقفش عليك عشان انت مبتكلموش..

مش عايز اهلك يقولولك ذاكر ولا عايز تروح المدرسه ولا الكليه و تسمع مدرس ولا دكتور بيهزق فيك لمجرد انو شايف انو بني ادم احسن منك 100 مره و انك مجرد عيل مبتفهمش..

مش عايز الاحباط ده ..

مش عايز القريب ليك يقولك انت اتغيرت عشان هو مش فاهم الليانت فيه ..





حاله بتتطلع منها مبسوط .. فاهم الي حد ما الدنيا ماشيه ازاي و ز ما قال علي سلامه : "حالة كده .. معرفش إيه .. لكني بطلع منها بعد السكات .. فاهم شويه ف اللي فات .. حاسس أوي بحضن الصحاب .." هو جه اللي بتحس بيه.. او علي الاقل اللي انا بحس بيه ..





حاول وانت في الحاله دي, متضيعش فرصه و متضايقش حد .. و فوق اي حاجه .. متضايقش نفسك ولا ربك.. عشان في الاخر ملاكش غير نفسك و ربك.