ليه؟

غلطت؟ ليه؟

متضايق؟ معلش

مبسوط؟ برافو

بتعيط؟ ربنا يشفي

متعصب؟ تهزيقه ...

هكذا الاهل ..

احنا عايشين مع ناس مش حاسين بينا..

مش فاهمين اللي احنا حاسين بيه 

مش فارق معاهم حاجه

فاكرين ان الماديات هي اللي هتفرحنا و هتسكتنا

فاكرينها بتعوضنا عن الحب اللي احنا مش بناخده

فاحنا بنبعد عنهم.. و بنفشل ..

مش بنقدر نفكر صح و بنغلط ..

ليه هما مش فاكرين ان زي ما حالنا مش عاجبهم, مش عاجبنا احنا كمان؟

ليه ميفكروش ان كل اللي احنا محتاجينه مساعدتهم عشان نتحسن؟

ليه هما بدل ما دونا المساعده و الاهتمام , بيهملونا؟

ليه هما دايما تعبانين و دايما مش فاضيين و دايما احنا الغلط؟

ماهو احنا يمكن غلط عشان انتو معندكوش وقت تخلونا صح ..

ماهو احنا يمكن ينصلح حالنا لو لقينا نفسنا فارقين معاكم ..

طول ما البني ادم حاسس انه مش فارق مع حد ..

مش هيعمل حاجه لأنه مش هيحس بالتقدير..