عايزه ابدأ تاني من الأول و افتح صفحه جديده.
اضحك ضحكه صفرا و افضل رسماها على وشي لحد ما اصدقها و ابقى فعلا سعيده.
اطلع من دماغي كل اللي واجعها و ارميه ف اقرب زباله و اشق صدري بسكينه بارده اطلع من جوا اللي واجعلي قلبي و كاتم عليه. اهويه.
عايزه ارقص و اغني من غير ما صوتي يترعش.
واصرخ و اضحك و اعيط و انط لحد ما يتهد حيلي.
اذاكر و اركز و اخطط و انفذ. عايزه اتطور و اطور و اتغير و ابقى احسن. افوق لنفسي و حياتي و اتبسط ولما اضايق يبقى من سكات.
عايزه البدايه الجديده اشوفها ة المسها و انسى كل الوجع اللي فات.
No comments:
Post a Comment